ക്ലാസ്സില്‍ നഷ്ടപ്പെട്ടുപോയ റബ്ബര്‍ ഓര്‍ത്ത് മിലാന്‍ എത്രത്തോളം സങ്കടപ്പെട്ടിരിക്കും? 100 ദിവസത്തെ അവന്റെ കുഞ്ഞു ചിന്തകളില്‍ എന്തൊക്കെ രഹസ്യങ്ങളുണ്ട്? യു.കെ.ജി വിദ്യാര്‍ത്ഥിയായ ഐസം മിലാന്റെ ഡയറിക്കുറിപ്പുകള്‍ കേവലം ബാല്യത്തിന്റെ ഓര്‍മ്മകളല്ല, ചിന്തകളെ അക്ഷരങ്ങളാക്കി മാറ്റാനുള്ള ഒരു കൊച്ചുകുട്ടിയുടെ ആദ്യത്തെ വലിയ പരിശ്രമമാണ്. ഒരു പ്രൈമറി സ്‌കൂള്‍ അധ്യാപകന്റെ പിന്തുണയില്‍ പിറന്ന ഈ സംരംഭം പൊതുവിദ്യാലയങ്ങളിലെ സംയുക്ത ഡയറി' എന്ന ആശയത്തെ പ്രോത്സാഹിപ്പിക്കുന്നു. ഓരോ രക്ഷകര്‍ത്താവിനും അധ്യാപകനും വായിക്കാനുള്ള ഒരു പ്രചോദനമാണിത്. മിലാന്റെ നിഷ്‌കളങ്കമായ ലോകത്തിലൂടെ ഒരു യാത്ര പോകാന്‍ നിങ്ങള്‍ തയ്യാറാണോ?